4 il öncə Panamada olanda kanaldan keçən gəmiləri bir izləyici kimi izləyirdim (4 cü şəkildə), bu gün isə gəmidən izləyicilərə baxırdım. Kanaldan çıxıb Sakit okeana girəndə önümüzə Amerika körpüsü çıxdı, bu da artıq Sakit okeana girdiyimiz və yelkənli gəmi ilə tam bir ay sürən səyahətimin bitməsi anlamına gəlirdi. Doğrusu məni o an iki hiss bürümüşdü: bir tərəfdən səfərin bitməsinə sevinirdim, digər tərəfdən alışdığım məkandan və insanlardan ayrılmaq məni bir az kövrəltmişdi. Amma bu dünyada hər şeyin bir sonu olduğu kimi mənim də gəmi məcaram burada bitməli idi. Önümdə artıq Panama şəhəri və növbəti ölkə Kosta Rika var. Bu gözəl imkanlar üçün həmd olsun Allaha, aləmlərin Rəbbinə!