Fərid Novruzi ilə 158 gün Dünya ətrafında!
Layihənin qəhrəmanı Fərid Novruzi – iş adamı, memar, səyyah və hava nəqliyyatından istifadə etmədən dünya səyahətinə çıxmış ilk azərbaycanlıdır.
Mövcud beynəlxalq qaydalara əsasən heç bir hava nəqliyyatından istifadə etmədən bütün meridianlardan keçməklə, minimum 40 000 km məsafənin qət olunduğu səfər dünya səyahəti hesab olunur. Şərtlərdən biri mütləq qaydada səfər müddətində dünyanın iki antonoqonist guşəsində olmaq və ekvatoru minimum iki dəfə keçmək, eləcə də hər bir qitədə 1000 km-dən çox məsafənin avtobus, qatar, avtomobillə, piyada və s. qət edilməsidir.
6 aylıq dünya səyahəti ərzində səyyah dünyanın 6 guşəsinə – Asiya, Avropa, Afrika, Şimali və Cənubi Amerika, Avstraliyaya və Okeaniyaya səfər edəcəkdir.
Əminik ki, bir çox insanlar Fərid Novruzinin heyrətamiz nümunəsindən bəhrələnərək onun kimi öz arzusunun arxasıyca gedəcək, yeni ölkələr və onların zəngin mədəniyyəti ilə tanışlığa yollanacaqdır.
